Ang indikasyon sa dunay diabetes
Mga resulta sa pagduki-duki gikan sa US Center for Disease Control and Prevention nagpakita nga halos katunga sa mga tawo nga may diabetes, wala masayod nga sila aduna niining maong sakit. Sa ato pa, may posibilidad sab nga dako’g risgo nga kita naghambin niining sakita.
Busa kinahanglan kita nga masayod sa mga indikasyon niini kun kita duna nay diabetes-2’ kay dili man kita makatiyabaw sa kasakit niini, kun dili, ordinaryo ra nga kakapoy ang bation sa lawas. Kun pirme ta nga makabatyag og pangapoy, magpakuha’g blood pressure, ‘blood platelet’ ug ‘bloodsugar’.
Kalagmitan, kun abnormal ang lebel sa atong ‘bloodsugar’ (ang normal; 80-120mg/dl pataas o paubos), maoy indikasyon nga kita gi-diabetes. Kini gumikan sa pagpatuyang og kaon sa ‘carbos’ ug ‘softdrinks’ ug ubang tam-is nga pagkaon. Ang ubang indikasyon niini;
* Hayblad presyur — Wa kini mga sintomas, gawas kun magpatsek-ap (BP), mahimo sab kini nga maka-pre-diabetic o diabetes-2.
* Luya o dali nga kapoyon — Kun ang ‘muscles cells’ dili na modawat og insulin aron magsilbing enerhiya sa lawas, mao nga magluya kita sa kakapoy.
* Subra sa timbang — Ang lawas nga naghinubra sa kabug-at o subra ra ang pagkatambok, sagad nga risgo kini sa diabetes. Busa magdayet nga balanse ang pagkaon. Dili kay magpabusdik sa subra kalami nga mokaon.
* Problema sa mata —Mahimong epekto ni sa komplikasyon sa diabetes.
* Impeksyons —maasidik ang lawas kun dili na makontrol ang ‘bloodsugar’, ma-impekted ang kidney, bladder (pantog), vagina (kinatawo), lagos ug tiil.
- Latest
