Ipadayon nato ang mga gikinahanglan nga bitamina kun mag-edad na’g 40 pataas. Sunda ang mga mosunod.
* Vitamin-D — kun kulang ta niini, dali ra kita matigulang, nga luyahon og kasingkasing, sclerosis ug risgo sa mga kanser. Makuha ni sa init sa adlaw, isip labing maayong tinubdan sa vita-D. Apan may lugar nga layo sa ‘equator’ nga malisud ang dan-ag sa kainit sa adlaw. Makuha sab ni sa pagkaon og itlog, salmon, keso, ohong, mga cereals. Puwede motumar og ‘D3 supplement’ (duol nga klase sama sa init sa adlaw). Igo na ang 600iu (800iu sa 50+) kay makadaot kun palabihan. Matud sa National Institute of Health, dili mosubra sa 4000iu/adlaw.
* Potassium — mopanormal ni sa presyur sa dugo, bisan og unsang edara. Kadtong nagmenopos na, magkunsumo’g 3.1 - 4-7g /adlaw, makapamenus ni sa risgo sa atake o stroke, matud ni Sylvia W.Smoller, propesor sa Albert Einstein College of Medicine. Delikado kun magpataka og inom niini nga walay resita’s doctor. Makuha sab ni sa pagkaon og hinog nga saging, avocado, kamote, orange, mga utanon.
* Vitamin- B12 —esensyal kini sa normal nga dugo ug sa himsog nga utok. Motabang ni sa pagpatuhop sa mga nutrens sa lawas, labi na’g edaran na. Makuha ni sa pagkao’g karne, itlog, isda, uban pa. ‘Spirulina diet supplement’ maayong tinubdan sa B12’, ‘water soluble’ ni, mas daghan, mas maayo, kay ipangihi ra ni.
* Omega 3 —makatabang ni sa edaran nga tandogon na’g lawas. Mopahimsog sa memorya ug panghunahuna, momenus ang risgo sa sakit sa kasingkasing.
* Probiotics —pagpadaghan sa buhi nga maayong bakterya, aron mamintin ang kalig-on sa panglawas. Makuha ni sa pag-inom og ‘fermented soy/freshmilk’.