Sayop nga pamaagi

Buot kita og expansion bisan asa ug bisan sa unsa. Apan usahay diha sa atong gihimo nga tinguha, adunay mga higayon nga kita nasayop gumikan sa sayop nga hunahuna nga moresulta og sayop nga estratehiya. Alang nako ang tanan experimentation. Mahimo nga ma-perfect nimo ang sistema sa imong pamaagi taliwala sa mga setbacks ug mga kapakyasan. Usa sa mga krus nga pagapas-anon kun magsunod ka sa buhat nga wa ipasukad sa hustong pagplano maoy mosakripisyo sa imong gitinguhang han-ay.

Feasibility studies maoy kinahanglan. Tinuod man gyud nga naa ang Espiritu Santo apan ang hustong pamaagi sa pag-implementar sa bisan unsa nga anaa sa imong imahinasyon ang dako kaayo og kahimoan aron mahimong less ang hago ingon man less ang panahon nga magamit diha sa pagbugtaw niini.

Kay ang sayop nga pamaagi, ingon man planning ang magdala og mas daghan pang mga problema alang nimo ug sa mosunod pa kanimo.

Dili paigo ang inspirasyon ni ang pag-init sa momentum sa mga tawo, hinunoa… mahinungdanon kaayo ang pagbutang sa hustong mga personalidad o mga tawo diha sa husto ug tukmang trabaho, inubanan sa hustong materyales dinuyogan sa hustong pag-ampo.