Brgy Mohon, Talisay City
“Kusog kaayo ang hantak diri sa among lugar luyo sa kapilya sa Sta Cruz. Dili mi kaila sa mga tawo nga mag-arian diri hapit kada adlaw kay gawas sa sugal nga hantak naa say ilegal nga drugas mao nga dili mi kaila sa mosulod diri nga mga tawo.”
Brgy Yati, Liloan, Cebu
“Manawagan sa mga opisyal sa barangay ug sa lungsod kay grabe na kaayo ang traffic diri sa eskina padung sa Brgy San Vicente unya dugangan pa sa sidewalk nga napuno na sa mga tindahan nga halos dili na makaagi ang mga tawo.”
Brgy Tampaan, Aloguinsan, Cebu
“Moreklamo mi kay wala pa man atimana ang among tangke sa tubig diri nga unta naa na man ni budget. Asa na man tawon ang gahin para sa maong proyekto nga kalit ra man nahanaw?”
Brgy Poblacion, Liloan, Cebu
“Nganong ang injection para rabies sa iro kay pabayran na man hinoon og tag P100 matag tuslok nga unta libre ra man ni.”
Brgy Bonbon, Carcar City
“Ang akong bana mangulata man hinuon nako kun makasuyop og shabu, usahay maapil pa ang among mga anak. Manghinaot ko nga masulbad na ang problema sa ilegal nga drugas diri sa among lugar.”
Brgy Paknaan, Mandaue City
“Amo lang ireklamo ang proyekto sa DPWH diri sa among lugar duol niining Citi Hardware kay wala man tarunga sa pag-abuno, pisik kaayo inig agi sa sakyanan ug luoy ang mga tawo nga moagi.”
Brgy Casuntingan, Mandaue City
“Naay karsada diri nga way klarong atiman grabe na kaayo ang pagkaguba, unya lapok pa gyud bisag way ulan. Susihon unta ni sa among kapitan sa barangay.”
Brgy Mambaling, Cebu City
“Diri sa Alaska kay naay nagnegosyo og kasilyas nga ang hugaw sa tawo kay adto man deretso sa kanal, baho kaayo ang hinungaw wala man gud sila’y septic tank. Unta atimanon ni sa atong gobiyerno.”
Brgy Langtad, City Of Naga
“Naunsa na man intawon ning among barangay nga wala na ma’y asenso, mura’g way nagdumala nga mga opisyal sa gobiyerno kay naay lubaklubak wala gyud atimana.”
Brgy Guadalupe, Cebu City
“Hangyo lang unta mi niining mga basura diri sa Grand Legacy nga wala atimana sa atong mga opisyal sa siyudad mag-usa na ka buwan nga wala gyud kuhaa, baho na kaayo.”
Brgy Lahug, Cebu City
“Diri sa Sudlon dapit kay wala may agas-agas ang tubig gikan sa MCWD nga unta nagsige na man ang uwan pero ang ubang mga lugar diri sa among barangay kusog man kaayo ang agas. Unsa diay problema diri sa among lugar nga wala man gyuy agas.”
Alang sa mga reklamo text lang sa 09326425494
- Latest
