Asa kutob ang God’s time?

Kasagaran kini ang gihimo nga sukaranan sa pag-ulo ulo ni bisan kinsang biktima sa tawhanong kabangis o di ba kaha katanga. In God's Time anaa ang Hustisya. In God's Time anaa ang panalangin.

In God's Time masulbad ra ang imong suliran. Apan ang pangutana mao: "Asa man kutob ang God's Time? kun mahulog na ang Pan gikan sa Langit nga imong paabuton gikan sa mga kamot nga mosabod sa nahimong sobra sa mga mana nga ilang nadawat?

Hangtud asa kutob ang God's Time? sa mga higayon nga maumol ang organized works of mercy aron dunay ma-upload sa Facebook ug mahulagwayan aron daygon sa katawhan? Tinuod ang God's time and there is no doubt about it.

Apan unta diha sa paghimo og maayo ug paglatid og bisan unsang programa o proyekto anaa ang sentido komon nga motunol ug di magpaabot nga moluhod pa ang tawo aron kaluy-an ug hatagan sa tinagsip nga limos nga gipaningkamotan nga matampo ug moabot sa mga kamot nga way kubal nga mahimong mohakgom niini alang sa ilang kaugalingon lamang.