Mao ni sagad madungog nimo sa duha ka binuhat nga mosulod sa kaminyoon. Ang pangutana matuman ba kaha kining mga pulonga. Sagad masaksihan karong panahona mao ang pagbuwag sa mga magtiayon ug naglabi ang hamubo nga panag-uban. Ang kaminyoon usa ka institusyon diin ang partnership ang mamahimo unta nga tumong. Ang panagtambayayong sa usag-usa aron malampuson sa pagmugna og pamilya. Ang pagkamatinud-anon ug pagdawat sa isip ginikanan, asawa ug bana ug ang labing importante nga mosagop sa kristohanong pagtulon-an kay usa kini ka ekipo nga ang gugma sa kanunay mabaid sa usag-usa. Kay kalooy, pailob ug andam nga moantos sa mga pagsuway nga mohasmag sa kaminyoon.