Ang kaayo mamunga og kaayo

Sagad nadungog nga sulti sa usa ka tawo nga ato na siya tabangan kay maayo raba siya kanato. Apan sa mga tawo nga wala’y kaayo nga gipabati ang madungog " pasagdi siya ka wa siya’y ayo "

Ang Ginoo maoy tuburan sa tanang kaayo. Gani ang tanang kaayohan iya gayud ihatag sa tawo apan usahay ang maong kaayo nausik tungod sa pagkamasinupakon sa tawo. Ang kasingkasing nagmasuk-anon mapulihan og kalumo kung sa kanunay pabation siya og kaayo. Ang buhat sa kaayo mapatik gayud sa matag hunahuna sa nakadawat ug gani makahatag pa kini og balik ngadto sa imong pamilya pinaagi sa mga pabor ug tabang nga ilang gikinahanglan. Hinumdomi nga ikaw anak sa Diyos nga maoy tuburan sa kaayo ug angay lang nga ikaw mobuhat sama sa iyang gibuhat.