Tingali makadungog kita nga dunay moingon nga: “Hala ni-click lagi na sila nga unta wala man mo-click na siya sa una niyang bana o sa una niyang asawa.” Usa kini ka proseso matud pa ni Siegel nga ang neural networks sa atong kasingkasing adunay dakong kalambigitan sa resonance circuits sa atong utok. Kini ang limbic memory diin ang matag usa nato mamahimong mo-click o makaugmad og usa ka suod nga relasyon ngadto sa atong isigkaingon diin nakaumol kita og attachment. Mahinungdanon baya kaayo nga unta mo-click ka sa tanan. Apan sa laing bahin dili ikalimod nga bisan sa inyong panagkuyog mahimong moabot ang panahon nga mawala ang “click effect” ug mapulihan og “Lintik” effect labi na kun malisud alang nimo ang pagsusi sa mood ug personalidad sa babaye o sa lalaki nga imong gikarelasyon. Ang emotional resonance maoy makapahimo sa tawo nga makasabot sa kasamtangang gibati sa gikarelasyon maingon nga ang gikarelasyon mobati usab sa ingon. Apan alang nako ang emotional resonance dili lang usa ka proseso segun sa gibatbat ni Siegel. Ang emotional Resonance usab mao man ang kahimtang diin ang tawo mopili nga iyang higugmaon ang tawo bisan pa man kun wala siya sa mood nga mohimo sa ingon.