Brgy San Isidro, Talisay City
“Wala gyud aksyoni ang sugal nga hantak nga klaro man unta kaayo sa mata sa kadaghanan, labi na sa mga bata, diri sa Sitio Isla Verde.”
Brgy Masaba, Danao City
“Makalagot kaayo ang mga opisyal namo diri sa barangay, labi na sa among kapitan, kay kun naa mi ireklamo nga tawo unya ipatawag namo, dili man sila moklaro og schedule.”
Brgy Tarong, Madridejos, Cebu
“Kaming mga batan-on diri mohangyo ngadto sa among kapitan nga unta ibalik na og taud ang board sa basketball sa Sitio Kagwangan kay gipakuha man gud ni sa kapitan kay kuno kami kontra partido. Luoy kaayo ang mga batan-on kay wa nay lingaw.”
Brgy Pagsabungan, Mandaue City
“Nasagmuyo kaayo kami sa kadagkoan sa among tunghaan kay pagpa-enrol nako sa akong anak, gibalibaran man hinuon kay dili na kuno sila modawat og taga Brgy Basak. Kun mao ni patakaran nagpasabot ba nga dili na makapadayon og tungha ang akong anak?”
Brgy Das (Lutopan), Toledo City
“Mamalihog mi og hangyo sa Toledo Water District nga atimanon nila ang problema sa tubig kay pila na ka semana nga way agas, nihit na kaayo ang tubig. Asa na man diay kadtong saad ni Sonny nga libre ang tubig diri sa among syudad?”
Brgy Suba, Bantayan, Cebu
“Hangyo lang ko nga unta atimanon sa taga lungsod o sa among mga opisyal sa barangay kining comfort room sa plaza, atbang gyud sa Bread Master, kay pwerte na man gyud nga bahoa, labi na inig huros sa hangin kay magpataka ra man og pangihi ang ubang mga tawo.”
Brgy Quisol, Danao City
“Naa lang ko’y reklamo bahin niining among tinubdan sa tubig diri nga way agas-agas. Kun moagas man gani hinay kaayo, unya kadiyot pa gyud. Wala may gibuhat ang mga opisyal namo sa barangay sa problema.”
Brgy Pusok, Lapu-Lapu City
“Reklamo lang ko sa usa ka opisyal sa barangay nga nagpuyo sa Sitio Sta. Maria nga abusado kaayo kay kun mahubog mangulata dayon bisa’g wa’y igong rason. Asa man mi moduol para mapitol ning klaseha sa opisyal?”
Brgy Tipolo, Mandaue City
“Ang eskina sa DECA HOMES wala man gyu’y gibutang nga mga tanod aron maoy moatiman sa trapiko kay daghan man kaayo ang maglisod pagtabok sa dalan tungod sa kakusog mopadagan sa ubang mga sakyanan.”
Brgy Capotatan Sur, Medellin, Cebu
“Ang akong reklamo mao ang dili maayong patakaran sa tagdumala sa district jail kay naay jail guard diri nga dili magpasulod sa kape ug sabon nga dad-on namo sa among kabanay nga piniriso nga unta wala man kini idili.”
Alang sa inyong mga reklamo text lang sa 09156203998
- Latest
