Buhat sa kalooy

Kung kalooy na gani ang moturok sa galamhan sa tawo mahimo gayud niya ang mga butang nga wala magpaabot kung adunay balos alang sa iyang kabulahan. Usa kini ka hiyas nga naambit sa tawo gikan sa Ginoo bisan pa sa mga kalisdanan nga sagubangon dili kini igsapayan kay lagi ang kalooy masundan man usab sa gugma sa pagbuhat sa ingon. Apan angay pod nato hunahunaon ug pamalandongan kung ang kalooy nga atong ihatag makaayo ba sa mga tawo nga atong gihatagan kay ang maong kalooy nga walay maayo nga sangpotan ug kaalautan ang maani. Ang kalooy sa Ginoo nga ang tawo dili gayud mapunta sa kalaglagan gibuhisan gayud sa kinabuhi ni Hesus diha sa Krus. Hinaut unta kitang mga tinubos maningkamot unta sa pagkab-ot sa kaluwasan bisan malisod sa pagbuhat sa ingon aron dili mausik ang kalooy nga gihatag sa Diyos kanato.