Crucial May 9 elections

Ato na kining gibalikbalik paghisgot dinhi, ingon man ang nagkalainlaing pundok nga mga nationalistic ug nagpakabana sa atong ugma, kanunay nga nagpahinumdom kanato sa kamahinungdanon sa piniliay karong Mayo 9.

Akong ipaambit kaninyo ang unod sa “open letter” ni Pedro V. Refuerzo Jr., nga mihatag og mubo nga criteria nga atong i-consider pagpili sa sunod nga presidente.

“As the campaign season heat up, Filipino voters should wise up and be knowledgeable enough to choose, come May, a president not tainted by any form of corruption. The would-be president should have a good track record in public service, and, above all, should be morally upright.

“He should also be a leader who could unite us as a nation, not divide us; a president who could enrich our country economically, instead of enriching him/her self while in public office. “

Simple ra kaayo. Good track record, sa ato pa, adunay maayo ug igong kasinatian sa panggobiyerno. Wala’y bisag gamay nga mansa o lama sa pagka-kawatan.

Morally upright, meaning, putli ang kasingkasing sa mga mata sa Ginoo, nagpuyo sa kinabuhing Diosnon (morag lisud ni). Presidente nga makahiusa sa nasud, sa ato pa, kun unsa man ang laraw ug kun unsa man ang iya unyang pagabuhaton alang sa nasud, kinahanglan nga kini acceptable ug madawat sa kinabag-ang hut-ong sa katawhan, aron dili kita magkatibulaag.

Ayaw padala sa mga press releases ug mga paukyab sa radyo ug telebisyon, sa mga tigpamaba sa mga pilionon ug sa mga pilionon mismo nga nindot kaayo silang paminawon. Maoy paminawa ug maoy tuohi ang imong konsiyensiya.

Hunahunaa nga ang imong boto can make or unmake the country. Pagkadako sa imong tulobagon ug kaakohan alang sa nasud. Sa ato na nga giingon, ang Mayo 9 elections, crucial kaayo, nga kun masayop kita sa atong pagbotar, dili na kita makapaabot pa og mahayag nga ugma sa atong nasud.

* * *

Business as usual, despite elections – mao kini ang pasalig ni Governor Amado M. Tetangco Jr. sa Bangko Sentral ng Pilipinas (BSP). Magpadayon ang growth momentum, ang pag-uswag sa ekonomiya sa nasud, taliwa sa nagkainit nga mga isyu sa election. Ang election dili makaapektar sa ekonomikanhong pagtubo sa nasud. Pagkakaron, nagpadayon ang pagbubo sa mga langyaw nga capital nganhi sa atong nasud.

Ang IMF resident representative nganhi sa nasud, si Shanaka Jayanath Peiris namahayag nga iyang nakita ang  “remarkable growth of the country’s economy during the Aquino administration,”  ug ang Foreign Direct Investments (FDI) “is gradually improving.”

So, mahinungdanon kaayo ang trust and confidence sa international community. Kinahanglang mapadayon kini sa mosunod nga presidente.

You can make this happen.