Dunay tawo nga nihatag kanako og hinabang alang sa on-going construction. Ako nagpasalamat niya sa hilabihan kay dako na kaayo og kahimoan ang maong tampo alang sa mga hollowblocks ug uban pang panginahanglan. Ang mga tawo uban ang pahiyom ang mitudlo sa langit dungan ang pag-ingon: "Sa kahitas-an ka magpasalamat!" Kini tungod kay ang tanan gikan man kaniya! Yano apan undanon kaayong pagpasabot sa kahulogan sa Diosnong Pag-amuma. Ang pagkamapasalamaton taliwala sa kalisud maoy maanindot nga hiyas nga pagahuptan unta ni bisan kinsa. Ang paghimo sa kinabuhi ingon nga kinabuhi sa pasalamat mamahimong makahuloganon kanila nga buot mosubay niini.