Ang pulong Epipaniya ang gikan sa Griyegong pulong EPIPANES nga nagpasabot og pagpadayag. Nga siya gipadayag ngadto sa tanang mga tawo, kultura, ug katawhan. Dili siya alang lamang sa pipila kondili alang sa tanan. Sa matag higayon nga atong saulogon ang Epipaniya sa Ginoo kita gipahimangnoan nga mahinungdanon kaayo ang paghimo sa atong kaugalingon nga abli diha sa pakigkukabildo sa uban nga dili sakop sa atong pundok. Kay diha sa maong kaabli mas daghan ang imong makat-onan, maantigohan ug diha sa pag-inambitay mamahimong mas buhi ang imong pakiglambigit. Sama sa Ginoo nga nihimo sa iyang kaugalingon nga abli og tagana aron mamahimong makahikap sa kinabuhi sa uban.