Pasundayag

Mga estudyante ko sa REED 20 ang ni-Reenact sa Nativity Scene. Ako silang gidasig nga mamahimong mamugnaon diha sa ilang pag-render sa ilang kaugalingong version sa ebanghelyo nga nag-asoy sa pagkatawo sa Ginoo. Ug kay lagi mga batan-on nanggawas gyud ang ilang tinagoan, ug bisan pa man kun tinuod wala kaayo ang kalainan apan seguro ko nga nalingaw gyud ang tanan. Apan dunay usa nga nakahatag nako og igong pagtagad kay sa dihang iyang giawit ang Hark the Herald siya nikatawa ug gidasonan kini sa iyang mga kauban. Ang resulta wala mahuman ang kanta. Diha sa Pasko nindot unta nga kini saulogon sa paagi nga mabulokon ug kabahin na niini ang pagpuyo sa kinabuhing yano ug unta kontento bisan pa man kun dinhi sa kalibutan anaa ang elemento sa kawalay katagbawan gumikan sa mga gambalay nga di makiangayon ingon man sa mga programa nga way tinong padulngan kay ang nagdumala utro pud nga libog ug way igong baruganan. Flarra! Expression sa mga bata nga dunay diskontento sa mga hamtong nga nagtanga!