Ang diwa sa Pasko

Ania na usab kita sa panahon sa Pasko nga nagpahinumdom kanato kun ngano nga si Hesus gipakatawo niining kalibutana. Kita kaha nakatugkad ba kita kun ngano ania kita sa kalibutan?

Subo usahay’ng pamalandongon nga ang diwa sa Pasko nahimong materyalismo na lamang sa kadaghanan ug ang matuod nga kahulogan niini mao ang pakiglambigit sa Ginoo pinaagi sa pagtabang sa atong isigkatawo ug pagpaambit kun unsa ang ania kanato labi na gyud ang pagpabati sa atong gugma ngadto sa atong pamilya, kahigalaan ug mga tawong nagpalibot kanato. Hinaut pa unta. Maayong Pasko sa tanan!

Kanus-a ipanghatag

ang 13th month pay

Dear Atty. Divine,

Nagtrabaho ko sa usa ka kompaniya sugod niadtong Enero 2015, apan ang akong status dili pa regular kay sigehan lang og renew sa akong employer ang akong kontrata.

Ang akong pangutana attorney kun entitled ba ko nga makadawat og 13 month pay bisan kun dili ko regular nga empleyado?

Pila man gyud ang angayang madawat nga 13th month pay sa usa ka empleyado ug kanus-a man kini angay nga ipanghatag kanila sa employer? Daghang salamat. -Loida

* * *

Dear Loida,

Base sa Revised Guidelines nga gipagawas sa DOLE alang sa pagpatuman sa 13th Month Pay Law kon PD No. 851, gilatid niini nga ang tanang kompaniya o employer kinahanglan mohatag og 13th month pay sa tanan nilang rank-and-file employees.

Sa ato pa, regardless sa status sa usa ka empleyado, basta nakatrabaho siya sa maong kompaniya duna siya’y katungod nga modawat og 13th month pay, in proportion sa length of time sa iyang pagtrabaho sa maong kompaniya sa maong tuig.

Buot ipasabot nga kun ang empleyado nakatrabaho sa maong kompaniya sud sa tibuok tuig, then makadawat siya og 13th month pay nga equivalent sa iyang usa ka buwan nga sweldo. Bisan ang mga empleyado nga gibayran on piece work basis, entitled sa 13th month pay.

Ang 13th Month Pay angayang ipanghatag sa employer ngadto sa ilang mga empleyado on or before December 24 matag tuig. Mamahimo sab nga ilang tungaon sa paghatag, ang katunga atol sa ting-abli sa klase ug ang katunga inig Pasko. Thanks and God Bless. -Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag  Miyerkules, Sabado ug Domingo.