Ang inerhiya sa tibuok adlaw
Gikan sa PREVENTION. com, atong gikutlo kining pipila ka diskusyon mahitungod kun unsay buhaton nga makabaton og tibuok adlaw nga inerhiya. Kay dili lalim ang panlimbasug nato ning kinabuhia, nga hasta ang gabii gihimo natong adlaw. Nga tungod ini, nagkinahanglan kitang makapondo og inerhiya.
Hinagpat gikan sa pipila nga nisalmot mga readers o respondents, ania ang ilang suhesyon segun sa ilang mga kasinatian, sama sa mga mosunod:
* Ang alternatibo nga tinubdan sa 'coffee o caffeine' — sulayan ang 'yerba mate' o kaha ang 'guarana'. Matud sa doctor - nga ang 'yerba mate' nga tsa, susama ra ni sa kape (coffee), apan sa 'guarana', mas doble ang kaisog ini.
* Buhata bisa'g asa — Ang daplin o kilid sa dalunggan, imong pislit-pisliton nga matandog kini gikan sa ibabaw hangtud paubos, pipila ka beses sa tibuok adlaw. Matud sa acupuncturist - sa TCM (Traditional Chinese Medicine), ang taas nga parte nato sa lawas, anaa natingob ang daghan nga aktibo'ng mga inerhiya. Ang pagmasahe sa dalunggan, mosaka ang inerhiya nga mopalagsik sa lawas.
* Ang Vitamin-B Complex — Dili lang kay kini nakatabang sa kakapoy, kun dili mopakusog usab kini sa atong metabolismo, nga kita moabtik.
* Ang remedyo sa 'green' — Mohigop og linaga o shake sa 'wheatgrass' o kaha inom o kaon o tumar og 'spirulina' (Spirulina Filipina alkaline food).
Pipila lang kini ka suhesyon nga gisusi o girebyu sa mga doctor sama nila ni Dr. Jacob Teitelbauon, usa ka 'intergrative medicine physician' sa Kona, HI ug si Paul Kemawikasit Alexander, usa ka 'accupuncturist' sa New York City.
Pero kun duna kay pagduda sa komplikasyon sa imong gipangtumar nga 'medical maintenance drugs' o kaha nabdos ka o nagpasuso, mas maayo magpakonsulta ka una sa imong doctor.
- Latest
