Ang lana sa lubi (1)

Ang lana sa lubi, mao'y komon nga gigamit sa ato'ng katigulangan, alang sa panglawas. Sa pagpangluto, mao sad ni sagad nato gamiton sa paggisal o pagprito. Gawas nga kini di kaayo mahal, anaa sab ni daghan nga nagproseo ani'ng lubi nga lanahon. Aduna'y duga'ng kasayuran ini, gikan sa mga eksperto.

Segun sa bag-ong mga pagtuon, nadiskubrehan nga ang lana sa lubi, nagbaton og ingredyente, isip usa ka 'natural preservative'. Makasustener usab kini sa kainit diha sa pagluto nga di madaut ang mga kemikal 'compound' sa lana sa lubi. Mas dili ni dali maunsa ang 'coco oil' ikompara sa lana sa oliba (olive oil).

Dagha'g paagi sa pagproseso ini'ng lana sa lubi, sama sa initon o pabukalan  ug ang pagkagod nga pabugnawon sa 'ref' ang tuno sa lubi (cold compressed).  Daghan na'g produkto ang lana sa lubi nga nakadisple sa mga 'malls' o 'grocery'. Sama sa 'coconut edible cooking oil' ug 'virgin coconut oil' (VCO).

Kini'ng sa 'VCO', daghan pa ang dili kaayo nasuheto sa daku'ng kapuslanan ini, ang mahatag nga benepisyo sa panglawas. Kay menus ang promosyon niini. Hinuon, sa pagkakaron daghan na'ng nasayud apan kulang pa's pagsalig. Apan sa uba'ng mga nasud, daghan na ang ningkompirmar sa katalagsaon sa VCO.

Ang amahan sa pagtuon  mahitungod sa lubi, nga si Dr. Conrado Dayrit, niingon nga, nasulayan na ang kaepektibo sa VCO, nga makapaalibyo o mosanta sa mga sakit sama sa, 'HIV-AIDS', sa kanunay nga pag-inom ini's VCO. Bisan sa 'SARS virus', nakataba'ng sab ni'ng wa kahuygo nga grabe'ng nikuyanap didto sa nasud nga China. Anaa'y mga libro si Dr.Dayrit, nagtuki sa kapuslanan sa lubi.

Ang ato'ng ahensya sa agrikultura, nagdasig sa mga mag-uuma sa pagpalambo pagbalik sa pagpananom og lubi, kay hapit na kini mahurot pagpuril sa mga punoang di na kaprodyus sa ato'ng panginahanglanong lana sa lubi.