Self-charging electric car

Unang natagad nato, kadto'ng mga 'e-jeep' o 'electric jeep' nga gipadagan pinaagi sa baterya. Nga ang Mandaue City mao'y swerte'ng nahimo'ng 'pilot operation' aron sa pagdagan ini sa maong siyudad. Libre ang serbisyo niadto aron makasulay sa pagsakay nga kini komportable ug  mahigalaon sa kalikopan.

Nakasugat la'g problema sa kahasol sa pag-recharge, nga kun malobat nga wa pa kaabot sa estasyonan sa baterya, dili na kabiyahe. Giplanohan kadtong pangtukoran og 'recharging battery station' susama anang mga 'gas stations'. Tingali, ila pa ni'ng gitun-a'g balik aron sa paghaum sa mga kinahanglanon ini.

Apan si Ismael Aviso, nibutyag sa iyang sekreto, pinaagi sa 'upload' sa you-tube, iyang gipakita ang ' schematic plan' niya sa usa ka 'self-charging electric car'. Kay kuno tanang eksperto o mga sayantipiko, niingon nga imposible, nga dili mohunong aron kakargahan ang 'lowbat' nga sakyanan.

Gidasonan sa DOE, ang pamahayag niya nga posible kini mahimo sa pinoy. Nakapatent na kining iyang imbensyon. Gani, duna na siya'y gigama nga modelo o 'prototype' nga awto niya nga 'self-charging electric car'. Nahimoan na ni'g 'performance evaluation' og 133% pasado. Niya pa, limpyo ug hilom nga mora'g wala moandar nga nagdagan sa kakusog.

Nagbaton ni'g 2ka baterya, nga ang usa maoy gigamit nga inerhiya sa pagpadagan, ug ang lai'ng 1ka baterya, nakareserba nga samtang nagdagan o nalobat awtomatik ning mag-'recharging', kay duna ni 'auto-switch' o 'on-off' segun sa trabaho sa 2ka baterya. Busa wala na kinahanglana nga mohapit pa'g 'recharging station', aron magpakarga'g duga'ng inerhiya sa baterya.

Kining pinoy nga imbensyon ni Aviso nga 'self-charging electric car', nakatampo kini'g daku nga tabang sa pagmenus sa polusyon sa kalikopan.