Dear Atty. Divine,
Dunay napalit nga property ang among mga ginikanan kaniadto apan ang ilang dokumento nga napapirmahan sa nagbaligya usa lang ka kasulatan nga ilang gipirmahan atubangan sa kapitan sa barangay. Ang akong pangutana kun balido ba kining maong dokumento ug unsay among buhaton aron ma-transfer ang property? Daghang salamat. — Toni
Dear Toni,
Kun ang nagpirma nianang maong dokumento mao gyud ang tag-iya sa property ug nabayran gyud sa inyong mga ginikanan ang purchase price, then balido ang pagbaligya.
Apan kun dili notarized ang Deed of Sale, hayan maglisud mo sa pag-process sa transfer kay ang BIR modawat lang og dokumento sa pagbaligya kun notarized sa abogado.
Ang maayo ninyong buhaton mao ang pagpahimo og laing Deed of Absolute Sale ug inyong papirmahan sa nagbaligya og panotaryuhan sa abogado.
Human niini, inyong iduso sa BIR diin mahimutang ang property ug bayran ang Capital Gains Tax ug Documentary Stamp Tax aron ma-process ninyo ang pag-transfer. Thanks and God bless. - Atty. Divine
Alang sa inyong pangutana may kalabutan sa problemang legal, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana sa akong column matag Miyerkules, Sabado ug Domingo.