Si Papa Francisco samtang tua pa siya sa Buenos Aires ang giduol og usa ka babaye usa ka adlaw niana kay buot kini magpabunyag sa iyang mga anak nga wa gyud kabunyagi. Gipangutana siya sa umaabot nga Santo Papa sa hinungdan kun nganong wa kabunyagi ang iyang mga anak. Ang tubag mao nga tungod sa kakabus kay lagi wa silay ikabayad. Ug labaw na nga wa silay ikahikay. Tuod man gibunyagan ang mga bata ug human sa bunyag anaa ang simple nga salo-salo lamang. Dalaygon kini nga buhat sa Santo Papa apan dili kini unta himoong rason sa kadaghanang mga ginikanan nga dugay dugayon ang pagpabunyag tungod lang sa gitawag nilang kawad-on. Kay kun atong pamalandongan daghan kanila ang dili magpabunyag kay magpaabot pa kanus-a motubo o modako ang baboy nga ihawon.