Himoang sayon ang tanan

Duna koy higala nga niingon nga angayan nga pasayloon gyud ang nakabuhat og abortion! Kay lagi karon ang tuig sa  kalooy sibo sa pamahayag ni Papa Francisco. Hinuon wala nay duda apan angayan natong hinumdoman nga ang pagpasaylo wala man magpasabot og pag-uyon. Mahimong pasayloon ang nakasala sa abortion apan kuyog niini ang pagpasabot nga ang maong sala sa abortion bug-at ug dili maayong paundayonan. Usa kini ka dakong sala batok sa kinabuhi. Unsay kalambigitan niini sa mga butang kalabot sa gahom sa kangitngit? Kini nagpasabot nga paagi sa lingla sa yawa mao man ang pagtukmod sa tawo nga makasala ingon man ang pagpangita sa tawo og rason aron mahimong ma-justified ang iyang sala nga nahimo. Tinuod gi-facilitate aron masinati sa tawo ang kapasayloan apan sa laing bahin dili kini excuse aron mamahimo kang mapasagaron.