Nahimong kabahin sa mga katitikan ingon man sa pelikula ang mahitungod sa aswang. Kini ang local version sa Dracula. Dautang linalang nga kuno mosupsop og dugo ug mokaon sa mga lamang loob sa biktimahon. Apan sa akong tan-aw ang posible nga pagpasabot mao nga ang usa ka aswang
A.Tawo nga dunay deperensiya sa pangisip (psychopath)
B. Tawo nga sakop sa usa ka kulto kang kansang ritwal mao gyud ang aktwal nga pagkaon sa unod ug pag-inom sa dugo sa biktima sa paagi nga cannibalistic. (Example Satanic Cult).
Daghan ang nagtuo nga pinaagi sa pagkaon sa unod sa biktima mahimong madugangan ang ilang gahom nga occultic. Apan diha sa natad sa Espiritual Warfare gibuntog na ni Jesus ang Gahom sa Yawa niadto pa. Ug dili maayo nga paharion ang kalisang mismo sa atong galamhan kun madungog nato ang ngalan sa dautan. Hinunoa uban ang pagtuo ug pagkamaigmaton buntogon nato ang gahum sa kangitngit pinaagi sa pagpahari sa kahayag. Ug kabahin na niini ang hustong impormasyon ug mga lakang batok sa dautan.