Hapit ang tanan naghuwat sa decision ni Senador Grace Poe, as if ang kadaugan o kapildehan sa ubang mga pilionon pagka-presidente ug pagka-vice, nag-agad sa kun kinsa ang dapigan sa senador, o kun modagan ba siya o dili.
Giilogan si Poe, dili gumikan sa iyang qualification, kun dili, tungod sa kanunay niya nga pag-top sa mga survey ug ang tibuok nasud, gawas ni Sen. Chiz Escudero, naghinamhinam nga nagpaabot sa iyang hukom.
Despite sa tambag ni Speaker Feliciano Belmonte nga i-let go na, nga pasagdan na ni DILG Secretary Mar Roxas ang nagpapresyo pag-ayo ni Poe, sa akong tan-aw, wa pa kabsi og paglaum si Mar nga sa kaulahian, ika-tandem ra niya si Grace.
Unta wala masulod sa ulo ni Poe kining iyang pagkainilog karon. Unta, iyang makab-ot ang tukma ug haum nga desisyon, dili alang sa kaayohan lang ni Escudero, kun dili alang sa kabulahanan natong tanan.
Good luck, Grace!
* * *
Kun mahimo na nga balaod ang Speed Limiters Act nga mag-require pagbutang og mga speed limiters sa mga public utility vehicles (PUVs), kamenosan og daku kaayo ang mga disgrasya sa kadalanan, labi na sa mga highway nga sagad maglumba ang mga buses, sa walay pagpanumbaling sa dangatan sa ilang mga pasahero.
Naaprobahan na kini sa Lower House ug maayo unta nga ila ni nga dalion, dili na lang ipaagi pa’g debate.
Maayo ‘sab unta nga katauran og mga speed limiters ug anti-noise devices ang mga motorsiklo nga gawas nga nakakalas na og daghang kinabuhi, gipanggamit na sa mga guns for hire ug sa ubang dautang elemento sa katilingban pag-execute sa mga dugoon nila’ng katuyoan.
Di man tingali ni mahisupak sa mga civil rights, gani pagpanalipod ug pag-protect kini sa katungod sa tawo ug pagtamod sa kabililhon sa kinabuhi sa tawo.
It’s high time these daredevils be regulated.
* * *
Ug karon, kini ang maayong balita sa panglawas: “Dugay na ko nga nasakit, bisa’g unsa na lang nga tambal ang akong gitumar, wa g’yud ko maayo. Apan, pag-take nako sa XYZ herbal medicine, lagpot ang tanang sakit.”
Unya, disclaimer dayon: “ Ang XYZ capsule ay hindi gamut at hindi dapat gamiting panggamut sa kahit anong sakit.” Naayo na hinuon. Kataw-anan no?
Arang-arang na lang hinuon ni kay sa una nga disclaimer nga “No approved therapeutic claims”nga dili kaayo masabtan. Unya, wa ra ba g’yud ta kadungog nga adunay therapeutic claims nga na-approve.