Ang pagpabuhi sa seks
Sa mga lalake nga nakamatikod na nga lugos na motuyhad ang iyang pagkalalake, sa huygo sa kama, mora'g naminghoy'ng nahikawan og kalingawan nga makapabaskug sa kinabuhi. Ingon sa maglisud na ibarug ang iyang dungog.
Di mawad-an sa paglaum, maulian ra ni nga wa na magkinahanglan og medikal nga tambal, nga sagad may sayd-epek pa. Simple ra ang buhaton mo;
*Molakaw ka'g 2ka milya — Kada adlaw, kay makahatag ni'g higayon nga mamintin ang maayong aktibidad sa seks. Mopahiyos sa mga tambok nga sagad nila palyado na sa seks. Ang gagmay'g hawak kalagmitan himsog sa pagseks, sumala pa's mga pagtuon. Gikinahanglan sab sa seks ang aktibo nga pisikal.
*Kegel nga ehersisyo — Sa paagi nga kunohay pugngan mo ang pangihi unya buhian mo'ng lalim nga moihi ka. Balikbalika ni hangtud maanad ka, nga kini magamit mo usab nga pabaskugon ang dugo sa kinatawo mo.
*Accupuncture — Iadto sa eksperto'ng 'accupuncturist, nga panuslokon sa gagmay dagom ang mga luyahon o himatyon mo'ng mga ugat sa kinatawo, aron makalahos ang oxygen nga dala sa dugo, aron moabtik na'ng motusik sa seks.
*Red Gensing — natural ni'ng gikan sa tanom, potensyal kini kaepektibo katumbas sa 'viagra' nga may sayd-epek. Ang pagtumar sa Gensing capsule -600-1000mg 3x/day, napruybahan nga epektibo ni makapahuygo sa pagseks.
* L-arginine — usa ni ka 'amino acid' nga moprodyus og 'nitric acid' sa lawas, aron pagpahapsay sa agianan sa dugo nga makaabot sa kinatawo nga maisogon sa pagpagawas sa kahigal.
*Watermelon juice — Usa ni ka 'citruline amino acid', nadiskubrehan nga makapagahe kini sa iyang pagkalalake ug makatabang sa 'blood vessel' nga haruhay kaagian sa dugo nga nanalaytay paingon sa kinadak-an nga ugat.
- Latest
