Matag usa nato dunay kaakuhan ingon nga resultado sa atong gipili nga kinabuhi. Apan daghang mga tawo ang dili buot nga moatubang sa bisan unsang krus o mosakripisyo ba kaha niini. Kini tungod kay daghan sa mga tawo ang nahimong talawan ug dili hamtong nga moatubang sa katungdanan. Sige ta og hunahuna sa atong katungod apan ang pangutana nagtuman ba kita sa atong katungdanan? Ang uban nahimong moeskapo gikan niini. Gusto nila ang mamahimong luwas sa bisan unsa nga ilang gituyoan. Buot nilang mamahimong gawasnon sa salaod nga ilang nahimo.Apan diha sa pagtuman sa atong kaakuhan masukod ang atong pagkatawo. Ug ang gibug-aton sa maong kaakuhan ang wa mag-agad sa kaakuhan mismo kondili sa atong kinaiya o disposisyon nga gipakita niini. Sa laing bahin ang kaakuhan maoy maghimo kanatong makapamalandong sa atong padulngan. Maingon nga si Jesus ang nihimo sa pagpangluwas ingon nga gugma ug kaakuhan kita unta mismo ang mamahimong mahigugmaon usab sa bisan unsang kaakuhan nga kanato gihatag.