Amahan wala magsuporta

Dear Atty. Divine,

Duna ko’y usa ka anak, hapit na mag-one year. Anak kini nako sa akong ex-boyfriend nga usa ka negosyante apan wa mosuporta. Sukad sa akong pagbuntis kaduha ra g’yud siya mohatag nako og kuwarta nga P2 mil. Bisan sa akong pagpanganak wa siya mogasto. Unsa may maayo nako nga buhaton aron maobligar siya sa paghatag og sustento matag buwan sa akong anak? Maayo kun imo akong matabangan. - Tina

Dear Tina,

Ubos sa balaod, ang bata bisan kun illegitimate, entitled kini og suporta sa iyang amahan ug mahimo gani kini nga mogamit sa apelyido sa amahan kun kini gi-acknowledge niya. Busa ang maayo nimo nga buhaton mao ang pagpadala sa amahan sa bata og demand letter alang sa imong pangayuon nga  binuwang sustento sa inyong anak. Mas maayo nga moduol ka og abogado aron sa paghimo sa imong demand letter. Kun iyang i-ignore ang imong demand, then mahimo ka nga modangop sa korte aron sa pagpangayo og suporta. Thanks and God bless.- Atty. Divine

* * *

Alang sa inyong pangutana may kalabutan sa problema’ng legal, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules ug Domingo.