Temang nalambigit: Kakuyaw, guilt, kahasol sa tanlag
Kasagaran ang mosantop sa atong hunahuna kun maghisgot kita og impiyerno mao nga nia dinhi nagpuyo si Satanas. Ang impiyerno dili lang bahin sa kalayo. Ang impiyerno dunay dakong kalambigitan sa imong personal nga kahimtang ug pagbati. Kun anaa ikaw sa kahasol gumikan sa guilt feeling nga padayon nimong gihambin anaa ikaw sa kinabuhing impiyerno. Kun ang imong kaugalingon anaa sa kakuyaw gumikan sa mga hulga sa mga nagpalibot kanimo, anaa ikaw sa impiyerno. Mahinungdanon kaayo nga imong pangutan-on ang imong kaugalingon kun nahimo ka bang abli sa malupigong pwersa nga nakabalda sa imong paglambo ingon nga tawo. Mahinungdanon kaayo nga isipon nimo kining maong damgo ingon nga warning sign alang kanimo. Angayan lamang nga ikaw mahigmata ug mamahimong maigmat sa posibleng mga panghitabo nga maghatag kanimo og kaalautan.