Balay ko sa langit; Temang nalambigit: Kalinaw, espirituhanong katagbawan

Niadtong bata pa ako usa sa mga paboritong kanta nga akong nakat-onan sa Catechism Class mao kini: Balay ko sa langit nagasidlak-sidlak, Ang balay ko sa Langit nagasidlak-sidlak luyo sa panganod! Ginoo, Ginoo hinumdomi ako! Ginoo!  Ginoo! hinumdomi ako sa imong pagbalik!

Ang langit kun buot hunahunaon dili usa ka dapit o lugar. Ang langit usa ka kahimtang diin anaa ang kalinaw ug katagbawan. Kun kini ang nigawas nga hulagway o panghitabo sa imong damgo, mahimong kini pahinumdom kanimo alang sa imong dakong tinguha nga mahimong tul-id ang imong kinabuhi sibo sa gugma ug kaayo sa Ginoo. Gidapit ikaw nga diha sa reyalismong paagi, imong tukuron ang imong langit dinhi sa yuta!