Ang dugo simbolo sa kinabuhi ug nga kun walay dugo walay kinabuhi. Sa laing bahin, ang pula mamahimong simbolo usab sa emosyon kon pagbati nga gihuptan sa usa ka tawo. Kun kini ang nigawas nga hulagway diha sa imong damgo, posible nga kini pahinumdom kanimo sa imong dakong tinguha nga ma-address ang imong kaugalingong gibati o pagbati. Tinuod mahinungdanon man ang Intelligence Quotient apan sa laing bahin, mahinungdanon usab ang Emotional Quotient. Balansehon gyud ang imong pagbati ingon man ang imong hunahuna. Nga sa ato pa, diha sa matag desisyon nga atong pagahimoon, kini nagasukad sa atong pagbati ingon man sa atong hunahuna.