Temang nalambigit: Yuta, sentido komon, praktikalidad
Ang maong kolor o bulok simbolo sa praktikalidad ug sentido komon. Maisip ikaw nga usa ka earthly person diin ang imong mga tiil nakatugkad gyud sa yuta ug dili sa kapunaw-punawan. Kun kini ang prevalent color diha sa imong damgo, pahinumdom kini nga unta mamahimo kang makatunob diha sa reyalismo sa kinabuhi. Kini nagpasabot nga ikaw mamahimong andam og tagana nga moatubang sa mga hagit sa kasamtangan ug dili angayang mahadlok kun ugaling gikinahanglan nimong motunob sa yutang tunokon. Mas maayo na lang nga masamad kay sa motalaw sa mga suliran nga dili mahatagan og kasulbaran.