Ang atong selyula

 Katingad-an kaayo ang atong pagkabinuhat isip usa ka tawo nga may kinabuhi. Dili matugkad ang gahum sa magbubuhat, nga mao ang gamhanang Dios nga maoy naghimo sa tanang butang nga gidayan sa atong palibot. Aron kita ipahimutang sa kahamugaway, ug kapuslan sa atong panginahanglan.

Sumala sa mga eksperto sa siyensya, ang tawo natibook sa mga selyula. Gibanabana segun sa ilang pagdiskubre, nga kapin kun kulang adunay 37 trilyones ka selyula, nga maoy niporma sa atong pagkahimo nga tawo. Natural sa tawo nga kada adlaw mamatyan kita og mga 50-70 bilyones ka selyula.

Ang mga patay nga selyula, mga abog na kana nga mobalik sa yuta. Sama sa buling sa panit, mga patay nga selyula kana sa panit, nga iniglugod mobalik sa yuta. Kay abog man kita giumol, kun patay na mahimo kitang abog sa yuta.

Samtang buhi pa kita, himoang himsug ang mga selyula, aron usab ang panglawas nato mohimsug. Kun dominante nang nangaluya ang mga selyula, mao nay mga sintomas nga kita aduna nay gipamati nga sakit. Ang lawas adunay barometro o sukdanan- kun ang 'alkaline' magkaubos, motaas usab ang kainit (acidic) sa lawas nga maoy hinungdan sa kamatay sa mga selyula.

Busa aron mohimsog ang mga selyula, gikinahanglang taas permi ang lebel sa lawas ang 'alkaline', pinaagi sa pagkaon og mga 'alkaline foods', gikan sa mga natural o organic nga prutas ug mga utanon, nga mao say ampay nga mabuhing himsog ang atong mga selyula, aron dili kita takboyan og mga sakit.