Pope Francis

Misanong kita sa lindog ni Carmen Pedroza sa Philippine Star, bahin sa pagduaw ni Pope Francis. Nangutana siya kun gipadala ba sa Ginoo ang Santo Papa nganhi sa atong nasud.

Matud ni Pedroza, atong kutloon: “We cannot fathom God’s ways. But there is a reason why they happen.” Ug ang Papal Visit, usa sa mga misteryo, ug kini aduna kini hinungdan.

Dunay tuyo ang Ginoo sa iyang pagpadala sa Santo Papa nganhi sa atong nasud. Mipadayon si Pedrosa:

“The timing of this charismatic Pope’s visist to the Philippines is one such mystery. Politically, it is recognized that the country has reached a nadir of social and economic inequality with its growing number of poor. We are sitting on a social volcano with immense poverty and a declining middle class.”

Nagkadaghan ang gigutom, nahiagom kita sa makalilisang nga mga katalagman. Of course, ang ubang kanasuran nahiagom usab sa mga katalagman, sama sa tsunami sa Thailand ug sa linog sa Japan.

Apan, kining maong mga nasud ug ubang mga nasud nga sama’ng nabiktima sa climate change, matud ni Pedroza, “they have governments capable of dealing with it.”

Sa ato pa, misalig sila sa ilang gobiyerno to deal with the situation. Lahi sa atong nasud, nga ang atong gobiyerno, dili capable pag-atubang sa mga kalamidad.

Suma’a, unsa pa’y nahimo sa atong gobiyerno pagpabarog pag-usab sa nagusbat nga mga dapit gumikan sa sagunson nga katalagman?

Mao kini ang atong kahimtang karon ug ang pagduaw ni Pope Francis giisip nga “timing” kaayo, nga kini makahatag og mga moral reforms sa katawhan, labi na sa mga nag-alagad sa gobiyerno.

Mipadayon si Pedroza: “We would like to believe that Pope Francis’ visit would do more than just a visit. It should be a unique opportunity for calling for needed moral change.”

Atong lauman nga ang pagduaw ni Pope Francis magbilin og mga kahigayonan paghimo’g kausaban sa atong kaugalingon. Mga moral reforms.

Lagmit, gipadala sa Ginoo si Pope Francis nganhi sa atong nasud aron makapamalandong kita’ng tanan sa daghan nato’ng kakulangan, hinungdan nga wala gayud mouswag kining atong nasud.

Daghang leksiyon ug mga pagtulon-an ang atong nakat-onan gikan ni Pope Francis. Hinaut nga makonsiyensiya ang atong mga leader ug once and for all, masanta na g’yud ang corruption.