Daghan ni’g mga hinungdan ang hubak. Kalagmitan niini, tungod kay ang imyon sa lawas huyang o luya kaayo.
Mao nga kun adunay mahanggap o mahingos nga abog o aso nga hugaw o toksik gumikan sa hangin nga init (hot air) sa baho sa kemikals sama sa lana o gas, maka-alergy ni nga maguba ang sistima sa atong respiratory o sa baga. Maglisud na ang oxygen makasulod sa sistima. Mao nga maglisud na pud sa pagginhawa nga mura’g gihangak. Pero naa may daghang mga natural nga remedyo niini? Sama ning mga mosunod:
* LAGUNDI ( kanang 5ka dahonan ang porma, dili ang 3 ka dahonan kay para paaso - pamatay kadto sa mga insekto) — Pagtadtad og dahon, mga 2 ka tasa niini, ibutang sa 2 ka basong tubig ug pabukalan sud sa 15 mins. ug salaa una ipainom. Sa bata: (2-6 anyos)-1ka kutsara-3x1ka adlaw. (7-12 anyos) - 2 ka kutsara-3x1ka adlaw. Sa hamtong o edaran: 4 ka kutsara-3x1ka adlaw.
*SAMBAG ( panit sa punoan )— Pagtadtad og 1 ka tasa niini sa 3 ka basong tubig, nga pabukalan sud sa 15 mins. salaa una ipainom. Sa masuso: 2 ka kutsarita, 4 ka beses sa 1 ka adlaw. Sa bata: ½ ka tasa, 4ka beses sa 1 ka adlaw. Sa hamtong o edaran: 1 ka tasa, 4 ka beses sa 1 ka adlaw.
* LUY-A ( kanang dalag o yellow ) — Tadtaron, pinuhon nga galingon sa blender. Isulod sa limpyong garapon unya butangan og gin o mallorca, nga igo lang molapaw sa lebel sa luy-ang giblender. Takobi og panapton o organde, pasagdi nga mahumol kini sud sa 1 ka adlaw. Salaon una ipainom ang 1 ka kutsara 3 ka beses sa 1 ka adlaw. Hiposon ang sobra kay di man kini madaut.
* KALATSUTSI (dahon)— Lagaa ang dahon niini ug imna sama sa tsa.