Alang nako personally, mas ganahan ko og banagbanag sa sayong kabuntagon. Kun kini ang nigawas nga hulagway diha sa imong damgo, pahinumdom kini nga imong pukawon ang imong maximum potential diha sa imong pagkatawo. Kay samtang sayo pa, mas maayo nga imong paningkamotan nga mamahimo kang lagsik ug paspas. Apan kun diha sa maong damgo, ikaw nahimong nakasinati og sun burn, mahimong timailhan kini nga imong gipabantang ang imong kaugalingon sa tumang kakuyaw diha sa imong actual ug Waking World. Ang sayong kabuntagon nindot nga kahigayonan aron mamahimo kitang andam sa atong pagabuhaton matag adlaw. Ang sayong kabuntagon panahon sa pagplano uban ang pag-ampo sa Diosnong giya.