Bunyag

Ang bunyag gikan sa Griyegong Pulong nga Baptisma kun Pagtunlob o Immersion. Alang kang San Pablo ang Bunyag mao ang paglubong sa atong daang pagkatawo diha sa sala aron mamahimo kitang bag-ong mga binuhat diha ni Kristo. Ang atong Ginoo bisan pa man kun walay sala ang nagpabunyag kang Juan Magbubunyag agig pormal nga pagsugod sa iyang pagpangalagad. pagpakita kini nga ang Dios nakighiusa kanato bisan pa man diha sa atong pagkadautan ug pagkamasalaypon. Ning maong kasaulogan, kita pud unta ang mamahimong matinud-anon sa atong mga panaad sa bunyag. Atong isalikway si Satanas ug atong puy-an ang pagkapari ni Kristo diha sa kinabuhing maampoon, ang pagkahari ni Kristo diha sa kinabuhing maalagaron, ug pagka-propeta diha sa kinabuhi  sa pagsangyaw sa maayong balita dili lang sa pulong kondili usab sa buhat.