Sa dili pa nato balikan ang pagpamalandong kalabot sa mga damgo, ato unang sugdan ang tuig pinaagi sa pagpamalandong sa Tuig sa mga KABUS. Kun maghisgot kita og kakabus dunay duha ka matang niini. Ang Aktwal nga kakabus ingon man ang Espirituhanong Kakabus. Ang aktwal nga kakabus mao kini ang matang sa kakabus nga nasinati natong tanan labina ning mga panahon sa kahagip-ot. Ang Espirituhanong Kakabus nagasukad diha sa atong dakong panginahanglan sa mga butang Espirituhanon. Ning atong pagsugod sa tuig 2015 kini unta ang magdapit ug maghatag kanato og kalig-on diha sa pag-angkon nga kita usab kabus apan bisan kita mga kabus kini pud unta ang dili magbabag kanato sa pagpaningkamot aron mamahimong kalipay ngadto sa uban. Malipayong Bag-ong Tuig kaninyong tanan!