Kalag-kalag

Ang atong katigulangan maoy naghingalan niini’ng mga adlaw sa mga Santos ug sa mga Minatay. Mao na kini ang akong namat-a’g kahayag.

Hangtud karon, way katinoan kun ngano nga ginganlan ang maong mga adlaw nga “kalag-kalag” hangtud hinuon nga atong hitaligam-an ang mga pag-ampo, pagpamisa, ug paghandom sa mga kalag ug sa mga Santos.

Sa mga minteryo, labi na sa lubnganan sa mga dato, atong masaksihan ang kasadya, kumbera, sugal, inom, ang uban mora’g mag-disco, magkompetensiya sa gidaghanon ug kamahal sa mga bulak ug kandila.

Hinaut nga atong kahatagan og tukma’ng kahulogan ang pagsaulog ning maong mga adlaw. Atong kutloon kining reflections:

“How do we measure the life of a man? When a man dies, what do we remember in him? Every memory that we hold on to are memories of experience of love with that person, our experience of a loving mother, a caring father, a thoughtful brother or sister, or of friend.

“How do we keep the memories of our departed loved ones alive in our life? Their legacies of love will forever be kept when we share this same experience of love to others. The only way to give justice to what they have left us is to keep the fire of love for our neighbors burning in our hearts. We celebrate not the death of people but their life lived in love.”

Mao ba kini karon ang atong gawi o batasan ning pagsaulog sa All Saints’ Day ug All Souls’ Day?

* * *

Aniay maayo alang kanato’ng mga senior citizens kun mahimo na ning balaud. Sila si Representante Celso Lobregat sa Zamboanga City, Rodel Batocabe sa AKO party-list, ug Francisco Calalay sa Quezon City, mipasaka’g balaudnon nga himuon na nga 5 percent ang allocation alang sa mga senior citizens diha sa General Fund sa annual budget sa barangay.

Gamiton kini alang sa mga programa, proyekto ug kalihokan sa mga senior citizens. Pagka karon, one percent ra ang gilatid sa Local Government Code nga para sa mga senior citizens.

Akong gi-mention ang mga ngalan sa nag-sponsor ug co-sponsors, bisag wa ta kaila nila, aron atong makita nga wala’y taga-Cebu ang nakahunahuna niini, bisan na lang unta to og nag-co-sponsor lang. Hinaut nga mutabang sila pagpalusot sa maong balaudnon aron hingpit kini nga mapatuman.