Temang nalambigit: Bakasyon, panaw

Kun maghisgot kita og airport, tabunok kini nga hulagway sa life transition sa usa ka tawo. Mahimong ang maong hulagway pahinumdom sa dakong panginahanglan nga mamahimong makapahulay gikan sa pressure sa trabaho o sa kinabuhi mismo. Anaa sa subconscious sa hingtungdan ang tinguha nga mamahimong gawasnon ug makapahulay gikan sa naandang routine sa kinabuhi. Pahinumdom kini alang sa hingtungdan nga makiangayon ang paghatag og tukmang pahuway sa kaugalingon aron mamahimong mas tunhay ang panaw.

Elderly Pinoy Week

Atong gisaulog karon ang Elderly Filipino Week (Semana sa mga Edarang Filipino). Gisugdan kini adtong Oktubre 1 ug mahuman kini Oktubre 7.

Nakadaiyang matang sa selebrasyon ang gipahigayon sa mga batan-on alang sa mga edaran kon senior citizen sa nagkalain-laing dapit sa nasud.

* * *

Didto sa dakbayan sa Baguio dunay gipahigayon nga Martsa ug mga Senior diin mga magtiayong senior citizen nagpasiyo sa parke inubanan sa ilang mga apo.

Didto sa Negros Occidental ang mga senior citizen giharanahan sa ilang mga apo ug  kabataan sa silingan.

* * *

Sa Metro Manila, suma sa balita nga atong nabasahan, libre ang plite sa mga public transport lakip na ang mga tren ug LRT ug MRT.

Didto sa dakbayan sa Iloilo usa ka dakong bangkete ang gitakdang ipahigayon alang sa mga senior citizen diin tambongan kini sa mga apo sa pinasidunggang seniors.

* * *

Laing bangkete ang gitakdang himoon alang sa mga senior citizen sa Davao diin ang mga tubig-tubigan nga residente sa dapit manghatag og mga regalo sa mga senior citizen. Didto sa Gensan mga pung-pong nga buwak maoy ipangregalo sa mga tiguwang.

* * *

Suma sa atong nasayran, kini maoy labing unang kasaulogan sa Elderly Filipino Week.

Suma sa text nga atong nadawat regalohan sab sa mga pundok sibika ang mga Old Filipino Prisoners sa nagkadaiyang bilangguan og mga butang nga ilang gikinahanglan sa matag adlaw sa ilang kinabuhi.

* * *

SA LAING BAHIN ... Pahalipay diha sa atong mga bumabasa nga senior citizen atol niining pagsaulog nato sa Elderly Filipino Week. May the good Lord continue to bless you with good health and longer life.