Temang nalambigit: Tinud-anay nga pagbati, kahadlok
Ang bodega maoy tam-ukanan sa mga butang nga tingali dili magamit karon apan magamit ra puhon o dili ba kaha sa mga butang nga wala na gyud kinahanglana. Ingon ini usab ang atong mga kaugalingon. Mahimong dunay mga pagbati nga atong ilubong o dili ba kaha ilubong diha sa atong subsconscious ug sa mga higayon nga kini maduslitan sa mga panghitabo sila mogawas ug makaapekto gyud kanato. Sila ang maisip natong emotional baggages nga nakapabug-at sa atong panaw sa kinabuhi. Diha sa kinabuhi, mahinungdanon man ang pagtipig apan atong tipigan ang mga pagbati nga makaayo ug makaduslit sa paglaum. Atong isalibay ang mga pagbati nga makadaut ug makamatay kanato.