Daghan nang balita ang atong nabasa sa mantalaan. Sama sa napatik sa Banat News, di pa lang dugay nga matud pa, usa ka 62 anyos ang namatay dihang morebanse pa unta sa pakigseks sa batan-on kaayong paris. Maayo na lang kay nakakumbati gyud og kausa. Apan lagi wala magdugay.
Dihang gipatunol kini sa tualya sa naligong batan-on, nakita niini ang kalalim sa hubo nga lawas. Ug dihadiha, haskang luoya niya nga nikirig kini sa kalami nga giatake sa kasingkasing. Nga kadto diay katapusang kalipay niya nga wala nay nahimo ang lawas. Kay ang kaugalingon, inabagan na lang sa artipisyal nga pagana sa uwag, nga nagdaku ang hunahuna ug wa nay hangin.
Busa kitang mga edaran, kon aktibo pa ang libido nato sa pagseks, mag-amping sa panglawas. Kay talandugon na ang atong kahimtang, gamay lang nga bikil malaspag na. Dili mo-inom anang sentetikong pagana o sex enhancer drug o uban pang susama ini, aron makalahutay apan diay dali ka mamatay.
Talagsaon na karon ang nagpangedaron og 60 anyos pataas, nga buhi pa sa pakigseks. Bisag daut way kaon wala gyud maugtas apan pipila ra kini sila. Kasagaran gyud, gitagbaw na lang ang seks pinaagi sa paghunahuna. Apan kon maantigo ka lang moamuma sa kahimsog sa panglawas mo, makahimo ka pa bisa’g kapila, basta ayaw lang pakigduwa sa lihok sama sa batan-on.
Labing maayo kon makigseks ka’g batan-on, sila ang palihoka nga igo kana lang moduyog nga batyagon ang kalalim. Sa ingon dili ka dali maugtas. Ayaw sad palabi kay ang libido nato dili dali maulian ug ayaw gyud pagpugsa.