Underwear

Giingon diri nga didto sa usa ka bukiran nga dapit sa Central Luzon ang mga batan-ong sakop nga babaye sa usa ka tribung lumad kadaghanan wa mosul-ob kun dili tigsul-ob og underwear kun panti.

* * *

Kini sumala sa Social Development & Charity Forum kang kansang volunteers mihimo’g pagtuon sa kinabuhi sa mga lumad. Usa sa ilang gihimo dayon human sa ilang pagtuon kun research, mao ang pagpanghatag og underwear kun panti sa mga batan-ong babaye sa tribu.

* * *

Sa pagbalik sa volunteer researchers sa maong dapit, nahimuot sila kay ang ilang gipanghatag nga underwear wala gamita sa mga lumad. Gihimo kini nga trapo ug ang uban gihimong hapin sa yuta nga gipakamang-kamangan sa mga masuso kun gamay’ng bata.

* * *

Nasayran sa mga sakop sa SDCF nga sa wa pa mabisitahi sa ilang volunteers ang maong dapit, diha na ang pipila ka mga langyaw nga missionaries nga nanghatag sab og mga sapot lakip na ang panti.

* * *

Sa susamang kalambuan, dihay mga balikbayan nga nanghatag og mga ukay-ukay nga sapot sa mga sakop sa laing tribu apan sa Central Luzon gihapon. Malipayon kuno ang mga lumad sa ilang pagdawat sa ukay-ukay apan nahibaw-an nga gipamaligya kini sa mga lumad ngadto sa mga taga-ubos.

* * *

SA LAING BAHIN ... Magpasalamat kita ni Andres Ibong kinsa maoy atong tinubdan sa unod sa atong lindog karong adlawa. Si Mr. Ibong nagpaila nga sakop sa Social Development & Charity Forum ... Sa samang higayon magpasalamat kita sa mga tindero ug tindera sa mga tindahan diha sa downtown area kinsa mga himasa sa Banat News.