Ang pagpagamay sa suso

Sagad sa mga babaye nga nanubra na ang gidak-on sa ilang suso, mga ganado sa pagkaon. Wala'y pakabana unsay mahimong epekto sa panglawas, hangtud nga nakaamggo nga hilabihan na diay katambok. Unya ang suso niya, tungod sa kabaga sa tambok, modako usab kini.

Dili lalim sa hingtungdan, kun subra na kadako ang suso.Makahasol kini kaniya kay magbitay nga dili na balanse o angayan sa dughan nga may gibug-aton. Manakit ang abaga o ang likod, ang hawak nga usahay mabako ang likod nga di katuyhad og tarung kay bug-at na pamation.

Hinuon haytek na karon, dili na problema ang pagpagamay sa suso. Puwede na laplapan sama sa hait nga kutsilyo sa mga batid nga doktor. Unya kun mahadlok operahan o kaha dili kaabot sa gasto, mahimo’g sad magdiyeta aron mogamay ang lawas apan molapad ang susong magbitay.

Maayo gayud kun magdiyeta, idungan kini sa subsob nga ehersisyo. Aron sa ingon, mogamay nga proporsyon sa lawas mo hasta ang suso mo. Angayan na tan-awon ang iyang pagkaugdo. Kun mogamay nga lapad, puwede na masahean aron ang suso mobugdo nga dili sad palabian.

Naa na say modernong remedyo ana nga monindot ang porma sa suso pinaagi sa daghang klase sa bra. Sama anang 'magic bra' nga mailad gyud ang magsud-ong nga mora'g  orihinal. Nga nindot kaayong hinulon ang matentalong suso nga sa dughan, maayo gyud ang pagkahulma ini.

Busa, bisita og doktor aron ikaw magiyahan, unsay maayo nga buhaton.