Minugbong Kasayuran

(1)Ang luspad o pag-uga sa atong pamanit, mahimong kulang sa sustansiya nga bitamina- D.  Apan kini natural nga atong makuha pinaagi sa pagbuwad sa adlaw. Magdepende usab sa pamanit mo ang gidugayon sa pagpainit. Kun hayag ka’g panit o pution, 5-10mins (10am o 3pm). Kun tabunon, 10-15 mins (10am o 3pm). Kun itumon, 15-20 mins(10am o 3pm). Apan mag-ehersisyo o palihukon ang lawas dili kay magpatara lang sa kainit sa adlaw. Makaayo pud kini sa  pancreas, obaryo, suso, colon ug prostate.

(2) Ang pipila ka oras nga maglakaw sa pagtiniil, diha sa mga graba o mga pino o ginagmay bato, sama ra nga ikaw nagpa-reflex sa imong tiil o nagpapisil. Kun sa sagbutan naka taak, makaayo sab kay ang lawas makuhaan sa dautang enerhiya (bad energy) ug makabaton pa’g dugang oksehena (oxygen) samtang mag-ehersisyo sa pagginhawa (breathing exercise).

(3)Para dili maglabad ang ulo sa problema, kinahanglan imo lang kining hunahunaon sulod sa 30mins lang matag adlaw. Inig human tagpilaw  kadiyot og 15 mins. Inig mata mo, mahayahay na ang utok nga posible makakita ka na’g tubag o sulbad sa problema. Relaks lang ayaw padala sa emosyon mo, kay mao kini makapabug-at sa imong paminsar.

(4) Nadiskubrehan ang deodorant, usa sa gitumbok nga ang mga babaye sagad hamis permi ang ilang ilok, maoy makamugna’g breast cancer o tumor gumikan sa kausaban sa selyula tungod sa kemikals nga naa sa deodorant. Busa hugasan o sabunan permi ang ilok, paglikay sa tumor nga mopaingon sa suso.