Unos

 Dili lang nato sabton ang unos ingon nga bunga lamang sa makusog nga hangin diha sa kinaiyahan. Mahimo pud nato kining sabton symbolically. Ang unos sa kinabuhi mahimong usa ka kahimtang diin ang tawo gisukod ug gikuso-kuso sa daghang mga pagsulay ug kalisdanan. Duha ang posibleng mahitabo. Mahimong ang tawo maduol sa Ginoo o ang tawo malayo sa Ginoo. Atong pamalandongan kining mosunod nga mga hulagway:

1. Si Jesus niduol sa iyang mga tinun-an nga nagkalisud niadtong mga higayona. Timailhan nga ang Ginoo usa ka sensitibo nga Ginoo.

2. Si Pedro pagkakita sa mga balod naunlod. Timailhan nga ang tawo dili makahunahuna sa Diosnong pag-amuma kay lagi nasanapan sa kahadlok.

3. Paglurang sa Unos. Ang Ginoo tinubdan sa tinud-anay nga kalinaw ug dili kini mahimong mabakwi bisan gani sa mga pagsulay nga mohampak kanato.

Hinumdomi, nga tinuod dunay mga higayon nga lisud sabton ang kinabuhi, apan ang Dios kanunay uban nato labina sa mga higayon nga kita maglisud og paggaod sa atong sakayan sa kinabuhi.