Sumpay kini sa miaging lindog nato sa pag-ila sa mga delikadong pagkaon.
Mani (peanuts)– Base sa record sa American Academy of Pediatrics, usa (1%) ka porsiyento sa ilang populasyon, adunay komplikasyon sa allergy nga ang hinungdan mao ang pagpasagad sa pagkao’g mani (peanut allergy). Ang ahensiya mipahimangno nga kini gideklarar nga usa sa delikadong pagkaon. Kay masabot nga misaka man ang gidaghanon niadtong 1997-2002 sa mga bata gikan sa 3-10 anyos, ang naapektahan ning maong matang sa allergy.
Dahon sa utanon (Leafy Greens) –Apil na spinach, cabbage o repolyo, lettuce, Arugala ug Kale, nalakip ni sa listahan sa Center for Science in Public Interests, nga gikontrol sa FDA kay giisip kini nga usa sa risgo nga pagkaon. Ang grupo mikutlo nga 363 ka kaso niini gitumbok sa utanon diha sa pagtanom o prodaksyons sa mga utanon, diin ang 240 niini gitumbok diha sa preparasyon sa pagluto sa mga restauran. Tungod sa dili maayong pag-andam niini, posibleng nataptan kini sa Nirovirus, Ecoli ug Salmonella. Sagad kini kontaminado sa kemikals, hugaw o tae sa mananap o hugaw nga patubigan ug la’ag nga hayop.
Mga Isdang Tuna –sagad anaa ni sa lawod, ilabi na ang isdang puti’g unod, may mercury kini nga maapil sa pagkaon. Makadaut ni sa gisabak (unborn) o bag-ong gipanganak, tungod sa mga toksins kay di maayo ang pagfregider o nadubok nga tuna, mackerel ug ubang klaseng isda sa lawod.
Mga Ohong (mushrooms) – Adunay klase niini nga makamatay gyud dili lang kay mahilo lang nga malipong o magsuka. Busa pagmatngon kun mosugal ka nga gusto gyud mokaon niini. Kay daghan ning klase sa mga ohong.
Mga Liso Sa Mansanas (Apple Seeds) – Hasta ang dahon ug panit sa punoan adunay mga hilo. Hinuon kun ginagmay matulon ang liso basta dili lang usapon o dugmokon, dili kaayo grabe pero mas maayo iluwa o kuhaon lang.
Mga hotdogs – Ampay kaayo ni sa mga bata. Sa mga pagtuon gihimo sa 47 ka estado sa Amerika, nagkahiusa sila nga delikado sad ni nga pagkaon. Tungod kini sa mga batang nag-edad 3-10 anyos, sa 17% sa hinungdan sa pagkamatay mao nga gipantuk-an sa gikaon nga hotdogs kay ipanghamong lang. Kun magdugay sadmagpondo sa sige’g usap, mutobo ni nga mobara sa tutonlan.