Paglakaw

Temang nalambigit: Tumong ug direksiyon

Nindot baya ang paglakaw ug gani matud pa nila niadtong wala pa mauso ang mga sakyanan gawas sa mga kabayo maglakaw ra man gyud ang mga tawo diha sa ilang panaw. Ang paglakaw therapeutic ug makaayo. Ang paglakaw makatanggal sa stress ug tension. Ang paglakaw makalingaw labina kun duna kay kuyog. Diha sa imong damgo kun ikaw maglakaw kini nagpasabot nga buot nimong ilatid ang tumong ug direksiyon sa imong kinabuhi. Mao kini ang hulhog sa imong sub-conscious. Mao kini ang hulhog sa imong pagbati. Ning paagiha, sa maong damgo imo pud sutaon kun diha sa paglakaw duna ka bay kuyog o ikaw lang bang usa. Kini tungod kay ang tumong mas makahuloganon kun kini himoon sa konteksto sa usa ka pundok o katilingban...