Dili kay kita ra dinhi ang dunay problema sa kakuwang og kasilyas. Mas grabe ang problema sa kakuwang og kasilyas didto sa India.
Kini suma sa Associated Press (AP) kinsa mitaho di pa lang dugay nga minilyon sa mga pamilya sa India ang walay pansayan kon kasilyas.
* * *
Suma pa sa taho sa AP tungod kay wa sila’y kasilyas kadaghanan sa mga Indian (kinsa ginganlan nato dinhi nga Bombay o Turko) anha mopagawas sa ilang hugaw sa kasagbutan o kaha mga kawayanan.
* * *
Mao kuno ning hinungdan nganong daghang kaso sa rape o pagpanglugos sa mga village sa India. Di pa lang dugay dihay mga balita diin nahitabo ang daghang kaso sa gang-rape sa India.
* * *
Suma pa sa taho gikan sa AP, ang rason nganong daghang kaso sa pagpanglugos sa India ilabi na sa rural areas, mao ang “lack of toilet or latrineâ€. Mga 65 porsiyento kuno sa rural population sa India anha malibang gawas sa bay. Kuyaw kini alang sa mga babaye labi na nga kasagaran sa gabii sila mangadto sa kawayanan aron malibang.
* * *
Sumala ni Bindeswar Patak, founder sa Social Reform Movement, ang India nagkinahanglan sa pagkakaron og 120 million toilets.
* * *
Mao nay mahitabo sa usa ka nasud nga daghan ang populasyon ug way kapasidad sa pag-atiman sa panginahanglanon sosyal sa katawhan. Kini suma pa sa deklarasyon sa UN.