Hangtod sa katapusan

Kini mao ang pasalig sa atong Ginoo ngadto sa iyang mga tinun-an ug sumusunod sa wala pa siya mokayab sa langit. Apan kuyog ning maong pasalig mao ang tahas nga ang matag tinun-an kinahanglan nga mosangyaw sa maayong balita ngadto sa tanang katawhan sugod sa Jerusalem. Kini ang hinungdan nga gisaulog usab nato karong Domingoha ang World Communications Sunday.

Hagit kini alang sa mga media practitioners sa paggamit sa  kahimanan sa komunikasyon ingon nga kahimanan mahitungod sa kamatuoran ug maayong balita. Katungod sa matag tawo nga siya masayud sa tinuod.

Kuyog niini ang paghimo sa kahimanan sa komunikasyon ingon nga agianan usab sa pagpakaylap sa mga pagtulon-an nga iya ni Kristo.... Malisud man tuod kini buhaton gumikan sa consumerism ug materialism karong mga panahona apan angay lamang nga ato kining tinguhaon uban sa grasya sa Dios nga nipadala alang kanato sa iyang bugtong anak nga si Jesukristo ang Dalan, Kamatuoran, ug Kinabuhi...