Ang gugma nindot paminawon apan sa laing bahin ang maong pulong mao ang giabusaran sa kadaghanan. Usa sa mga nindot nga bunga sa paghigugma mao nga imong tipigan ang handumanan uban sa tawo nga imong gihigugma kondili usab imong buhaton ug puy-an ang iyang baruganan. Gihigugma nimo dili lang ang tawo kondili usab ang iyang baruganan. Nahimo kang usa kaniya ug siya nahimong usa kanimo.
Kini ang kahulogan sa pagkatinun-an ni Kristo dili paigo ang pagbungat sa terminong Kristiyano, kondili ang pagsubay sa dalan ug panaw nga gilaktan sa atong Ginoo adlaw-adlaw sa atong kinabuhi. Sa unsa mang paagi?
1. Una ang pagpuyo sa kamatuoran ug dili sa bakak.
2. Ikaduha, ang Pag-alinggat nga ang kinabuhi sa Pagkabalaan usa ka panaw pinasikad sa atong kahimtang sa kinabuhi.
3. Ikatulo, ang pagpuyo sa paghigugma sanglit ang balaod man sa Gugma mao ang molangkob sa tanang mga balaod.
4. Ug ang kanunay nga bunga sa tinud-anay nga gugma mao man ang kinabuhing madagayaon.