Didto sa Ivory Coast dihay estorya kabahin sa usa ka bana nga mituok patay sa iyang asawa tungod kay nagdaman kini ug nihisgot og ngan sa lalaki. Nagduda ang bana nga dunay lalaki ang iyang asawa.
* **
Adtong miaging adlaw dihay lain nga estorya bahin gihapon sa selosong bana nga gisuwaya’g patay ang iyang asawa pinaagi sa pagdunggab niini.
* * *
Gidunggab ni mister si misis tungod kay sa iyang pagmata iyang nakita si misis nga migakos og habol nga mura ba’g tawo kini. Didto kini nahitabo sa dakbayan sa Portsmouth, Virginia.
* **
Suma pa sa balita daan nang nagkaguba-guba ang kaminyoon sa magtiayon. Ug nisangpot kini sa“attempted murder†dihang sa pagmata sa bana iyang hikit-an si misis nga maayong paggakus sa habol.
* **
Nilayas ang asawa, 57 anyos, ang pangedaron samtang mireport sa polis ang bana, 46, ang panuigon nga iyang nadunggaban ug hapit patya ang iyang asawa.
* * *
Didto sa Kyoto, Japan, dunay bana nga mipusil sa iyang asawa tungod kay dili kini makatug kun dili pahigdaon sa katre ang ilang iro.
* * *
SA LAING BAHIN... Mangumusta kita sa atong mga higalang tindera ug tindero diha sa T. Padilla market. Salamat sa inyong suporta sa Banat News.